ਗੁਰਬਾਣੀ ਦੇ ਇਸ ਫੁਰਮਾਨ ਨੂੰ ਜਿਸ ਤਰੀਕੇ ਨਾਲ, ਤੇ ਜਿੰਨੀ ਖੂਬਸੂਰਤੀ ਨਾਲ ਇਸ ਟੀਮ ਨੇ ਪੇਸ਼ ਕੀਤਾ ਹੈ, ਦਿਲ ਖੁਸ਼ ਹੋ ਗਿਆ, ਇੱਕ ਵਾਰ ਤਾਂ ਅਖਾਂ ਵੀ ਭਰ ਆਈਆਂ, ਤੇ ਮੈਂ ਤਾਂ ਖੜ ਕੇ ਸੇਲ੍ਯੁਟ ਕੀਤਾ ਸਾਰੀ ਟੀਮ ਨੂੰ। ਫਿਲਮ ਦੀ ਟੀਮ ਬਹੁਤ ਬਹੁਤ ਵਧਾਈ ਪਾਤਰ ਹੈ, ਇਨ੍ਹਾਂ ਉਪਰਾਲਿਆਂ ਲਈ ਅਸੀਂ ਆਪਣੇ ਵਲੋਂ ਜਿਸ ਤਰਾਂ ਦਾ ਵੀ ਸਹਿਯੋਗ ਦੇ ਸਕਦੇ ਹਾਂ, ਦੇਣ ਦਾ ਵਾਅਦਾ ਕਰਦੇ ਹਾਂ।

ਮੈਨੂੰ ਲਿਖਣ ‘ਚ ਕੋਈ ਝਿਜਕ ਨਹੀਂ, ਕਿ ਇਹੀ ਤਰੀਕਾ ਸਾਨੂੰ ਅਪਨਾਉਣਾ ਪੈਣਾ ਹੈ, ਜੇ ਚਾਹੁੰਦੇ ਹਾਂ ਕਿ ਗੁਰਬਾਣੀ ਦਾ ਅਸਲ ਸੰਦੇਸ਼ ਸਾਰੀ ਲੋਕਾਈ ਤੱਕ ਬੜੇ ਸੋਖੇ ਤੇ ਸਰਲ ਤਰੀਕੇ ਨਾਲ ਪਹੁੰਚੇ ਤੇ ਆਪਣੀ ਨਿਵੇਕਲੀ ਪਹਿਚਾਣ ਸੰਸਾਰ ਭਰ ਸਾਹਮਣੇ ਰਖਣਾ ਚਾਹੁੰਦੇ ਹੋ।

ਬੜਾ ਹੋ ਗਿਆ ਸਟੇਜੀ ਤੇ ਸੜਕੀ ਪ੍ਰਚਾਰ, ਜਿਸਨੂੰ ਅਲੱਗ ਅਲੱਗ ਨਾਮ ਦੇ ਦੇ ਕੇ ਬਥੇਰੇ ਆਪਣਾ ਤੋਰੀ ਫੁਲਕਾ ਚਲਾਈ ਫਿਰਦੇ ਨੇ, ਤੇ ਨਾਮ ਦੇਣਗੇ ਜੀ ਸੇਵਾ ਕਰ ਰਹੇ ਹਾਂ, ਸੌਦੇਬਾਜੀ ਕੀਤੇ ਬਗੈਰ ਤਾਂ ਇਹ ਆਪਣੇ ਆਪ ਨੂੰ ਪ੍ਰਚਾਰਕ ਕਹਾਉਣ ਵਾਲੇ, ਸਟੇਜ 'ਤੇ ਨਹੀਂ ਚੜਦੇ।